Category: Настани

На 2ри Септември, со свечена прослава во Скопје свечено беше одбележана четвртата годишнина од формирањето на Центарот за безбедносни истражувања (ЦБИ). Во присуство на членовите на ЦБИ, голем број на гости, партнерски организации, лица од бизнис секторот и од јавниот живот, раководството на ЦБИ ги презентираше резултатите од досегашната работа, како и плановите за идниот раст и развој на организацијата.

Настанот со свое обраќање го отвори заменик директорот на ЦБИ, Јане Јанчески, кој даде една ретроспектива на самите почетоци на функционирање на организацијата, предизвиците со кои се соочи организацијата, начинот на функционирање и организационата поставеност на ЦБИ.

Центарот за безбедносни истражувања со свој претставник учествуваше на конференцијата „Black Sea and Balkan Perspectives – A strategic region“ во Рим, организирана од нашите партнери NATO College Foundation. ЦБИ беше единствената (владина или невладина) организација од Република Македонија која доби покана да номинира свои претставници/панелисти на оваа престижна конференција.

Нашиот претставник, г-динот Раби Седрак, зборуваше на панелот кој беше посветен на безбедносните закани предизвикани од не-државни актери.

Делегација на Центарот за безбедносни истражувања, во состав д-р Александар Нацев – директор на ЦБИ, Јане Јанчески – заменик директор, Мартин Стојановски – советник за надворешна соработка и Раби Седрак – советник за противтероризам, денес во Приштина оствари работна средба со претставници од Косовскиот центар за безбедносни студии, на која се дискутираше за идна соработка и заеднички програми кои ќе се фокусираат на безбедносните проблеми кои доаѓаат од илегалната имиграција и борците повратници во Европа.

На 8ми јули, Центарот за Безбедносни истражувања (ЦБИ) во Домот на културата во општина Ново Село одржа трибина на тема „Влијанието на масовното производство на канабис врз криминалитетот во заедниците“.

Свое обраќање на трибината имаа директорот на Центарот за безбедносни истражувања – Скопје и декан на факултетот за Детективи и криминалистика на Европски Универзитет во Скопје, проф. д-р Александар Нацев и специјалниот координатор на програмата за противтероризам на Центарот за безбедносни истражувања, Раби Седрак.

На трибината се говореше околу производството на конопот во Македонија како и за нелегалните мигранти кои што транзитираат преку нашата земја и на кој начин се перат црните пари.

Денес во организација на #ЦБИ и Македонската Спортска Стрелачка Федерација, се одржа семинарот P-SEC2, во кој беше опфатена обука на учесниците во делот на ракување и стрелање со пиштол и со полуавтоматска пушка. Обуката беше динамична, одлично конципирана и сите учесници ќе добијат сертификати за успешно завршен семинар.

Денес се одржа првата сесија од новиот заеднички безбедносен програм помеѓу Центарот за безбедносни истражувања и Институтот за стратешки и одбранбени студии од Унгарија. На настанот се дискутираше за процесот на радикализација во Западниот Балкан и се постави патоказот кон креирање на нова и соодветна програма за дерадикализација, која ќе биде специфично дизајнирана за да се справи со прашањето на борците повратници од Ирак и Сирија во земјите од Западниот Балкан, со што ќе се даде придонес кон европската и меѓународната безбедност.

Денес во организација на #ЦБИ и клубот The Strongest Aerodrom се одржа семинарот P-SEC1, во кој беше опфатена обука на учесниците во делот на заштита на лица, блиска борба и гаѓање со воздушна пушка. Обуката беше динамична, одлично конципирана и сите учесници на крајот добија сертификати за успешно завршен семинар.Во наредниот период, ќе се одржи и вториот семинар, P-SEC2, кој ќе вклучува обука и гаѓање со огнено оружје.

Раби В. Седрак, специјалниот советник за антитероризам на Центарот за безбедносни истражувања, гостуваше на радио „Лидер“ и објасни што точно се случува во судирите меѓу Израел и Палестинците во Ерусалим, а даде своја анализа и за военот конфликт во појасот Газа, каде што во изминатите неколку дена беа повредени стотици луѓе.

Погледнете го целото гостување на следниов линк:

https://www.facebook.com/radiolider107.4/videos/288486776271469

Денес претставници од Центарот за безбедносни истражувања остварија онлајн состанок со претставници од унгарскиот Институт за стратешки и одбранбени студии, кој е дел од Националниот Универзитет за јавна служба и унгарското Министерство за одбрана. На состанокот се утврди идниот опсег на работа и заеднички настани, а беа дефинирани и конкретните заеднички области за истражување и соработка.

Денес ја одржавме онлајн работилницата „Опасностите од пропагандата и дезинформациите во денешниот свет“. Настанот беше организиран во соработка со Шведската Алумни Мрежа за Западен Балкан (SANWB), а со поддршка од Шведскиот Институт (Swedish Institute).

Дел од настанот беа претставници од дипломатските мисии во Македонија, претставници од меѓународни организации, претставници од национални и регионални алумни организации на Шведскиот Институт, претставници од медиумите, академскиот сектор и невладиниот сектор.