Колумна на м-р Александар Трајковски – „Анализа на карактеристиките на левичарскиот и десничарскиот тероризам“Колумна на м-р Александар Трајковски – „Анализа на карактеристиките на левичарскиот и десничарскиот тероризам“



м-р Александар Трајковски

Несомнено е дека идеологиите, како такви, отсекогаш имале енормно и пресудно влијание во историјата на човекот. Како резултат на тоа, истите директно и/или индиректно ги предопределуваат конструктивните или деструктивните акции кои (ќе) ги презема човекот. Со други зборови, идеологиите претставуваат моќна и клучна алатка! Алатка која има огромен потенцијал да влијае како стимулациски механизам, односно да го придвижува и определува правецот на движење на човештвото и неговите креации (државите, монархиите, кнежевствата, покраините итн.).Меѓутоа,во контекст на ова, идеологиите со нивното влијание не ги одминаа дури ни на терористичките организации и терористите-поединци, па дури ни на суверените државни актери кои јавно и/или прикриено го поддржуваат, спонзорираат или, пак, имплементираат тероризмот на домашен терен и/или во меѓународни рамки.

            Левичарскиот тероризам (ултралевичарскиот, квазиреволуционерниот, „црвениот“ тероризам) својот голем подем го доживува во седумдесеттите години на 20 век, а во почетокот на 21 век тој е речиси минато. Идеологијата на левичарските терористи е под силно влијание на марксизмот и на други социјалистички и комунистички мисли. Па според тоа, тој во литературата може да се препознае и под термините:„марксистичко-ленинистички“, „револуционерен“ тероризамитн. Како еден од факторите на борбено загрозување, тој не може реално да ја загрози безбедноста на една држава на генерален план, но може да и создаде големи проблеми, да загрози бројни човечки животи и уништи значајни материјални добра. Левичарските терористи настојуваат да целат на згради и владини структури, кои го претставуваат капитализмот, или да изведуваат атентати на претседатели на влади и капиталисти. Најчесто со една и единствена намера, а тоа е насилна смена на постоечките (главно „капиталистичките“) демократии и политики во државите со етаблирање на „нови влади“ кои ќе владеат, односно функционираат исклучиво на социјалистичка, комунистичка, марксистичка, марксистичко-ленинистичка, маоистичка, пролетеријатска,работничка (народна)или друг облик на истородна основа, или, пак, ќе претставуваат еден своевиден микс (од сите или дел) од претходно споменатите, а во коишто главен акцент, пред се, ќе биде ставен на пролетеријатите и/или на работничките класи.Современиот квазиреволуционерен тероризам има потреба идеолошки да се базира и на анархизмот, најчесто заради проценката дека револуцијата во Западна Европа невозможно е да се изведе според марксистичките „обрасци“, а тоа го потврдува крахот на социјализмот во светот. Сосема е разбирливо дека анархизмот заради стратегиите на директните акции им одговарал на сите левичарски групи и организации во Западна Европа кои, зарадиволунтаризмот и нетрпеливоста, се определувале за патеките на индивидуално политичко насилство, без обврската да се потпираат на масите, како и патеките кои треба да доведат до општествена револуција.

(more…)

Гостување на директорот Нацев во емисијата „Заспиј ако можеш“ ТВ АлфаГостување на директорот Нацев во емисијата „Заспиј ако можеш“ ТВ Алфа



Директорот на ЦБИ, д-р Александар Нацев гостуваше во емисијата „Заспиј ако можеш“ на ТВ Алфа, во која зборуваше за случувањата во Украина, за можниот развој на настаните и за геополитичките последици од овој конфликт.

Можете да го погледнете целото интервју на следниов линк:

Делегација на ЦБИ оствари работна посета на БриселДелегација на ЦБИ оствари работна посета на Брисел



Делегација на ЦБИ во периодот од 7ми до 11ти февруари 2022ра година, оствари работна посета на Брисел. При посетата, беа остварени средби и состаноци со претставници на Европската служба за надворешно дејствување, Европската одбранбена агенција, Европскиот одбранбен и безбедносен колеџ, како и со неколку европратеници.

ЦБИ учествуваше на вежба за сајбер безбедност во БудимпештаЦБИ учествуваше на вежба за сајбер безбедност во Будимпешта



Центарот за безбедносни истражувања учествуваше со свој тим на симулациската вежба за сајбер безбедност, во организација на групацијата MeOut. Вежбата се одржа во периодот од 11ти до 14ти ноември во Будимпешта, и вклучуваше тимови од сите држави од Западен Балкан и од В4 групата на држави. Тимот, кој беше предводен од директорот на ЦБИ, д-р Александар Нацев, одлично се претстави на вежбата, а потврдени беа и заложбите за понатамошна соработка на меѓународно ниво со присутните партнерски организации.

Предавање на г-дин Раби Седрак во Институтот за европски студии во БелградПредавање на г-дин Раби Седрак во Институтот за европски студии во Белград



Претставникот на ЦБИ, г-дин Раби Седрак, на покана на Институтот за европски студии во Белград, одржа предавање на тема „Импликациите на кризата во Авганистан за европската безбедност – талибанците наспроти ИСИС“. Настанот беше организиран од страна на реномираните професори д-р Миша Ѓурковиќ и д-р Стеван Гајиќ.

ЦБИ учествуваше на Безбедносниот форум во Варшава 2021ЦБИ учествуваше на Безбедносниот форум во Варшава 2021



Делегација на #ЦБИ, составена од директорот д-р Александар Нацев и заменик директорот Јане Јанчески учествува на Безбедносниот форум во Варшава, кој се одржува денес и утре во полската престолнина. На форумот учествуваат голем број на државни делегации и претставници на меѓународни организации, и овој форум претставува еден од најголемите безбедносни настани во Европа.

Гостување на директорот Нацев во емисијата „Што не е јасно?“ на Алфа ТВГостување на директорот Нацев во емисијата „Што не е јасно?“ на Алфа ТВ



Директорот на Центарот за безбедносни истражувања, доц д-р Александар Нацев, гостуваше во емисијата „Што не е јасно?“ на АЛФА ТВ. Тема на гостувањето беа последните безбедносни скандали, реформите во безбедносно-разузнавачката заедница и состојбите во Армијата на Република Македонија. Директорот Нацев потенцираше дека потребно е дополнително да се работи на зајакнување и модернизирање на ситемот за кризен менаџмент, и да се градат сопствени капацитети во доменот на одбраната, со цел да бидеме рамноправен партнер со останатите сојузници во НАТО.

Целото гостување можете да го погледнете на следниот линк:

Гостување на директорот Нацев во емисијата „Клик Плус“ ТВ21Гостување на директорот Нацев во емисијата „Клик Плус“ ТВ21



Директорот на ЦБИ, д-р Александар Нацев гостуваше во утринската емисија на ТВ Алфа, во која зборуваше за системот за кризен менаџмент и заштита и спасување, како и за последните политички случувања кои имаат и безбедносни импликации.

Можете да го погледнете целото интервју на следниов линк:

Центарот за безбедносни истражувања одбележа 4 години постоењеЦентарот за безбедносни истражувања одбележа 4 години постоење



На 2ри Септември, со свечена прослава во Скопје свечено беше одбележана четвртата годишнина од формирањето на Центарот за безбедносни истражувања (ЦБИ). Во присуство на членовите на ЦБИ, голем број на гости, партнерски организации, лица од бизнис секторот и од јавниот живот, раководството на ЦБИ ги презентираше резултатите од досегашната работа, како и плановите за идниот раст и развој на организацијата.

Настанот со свое обраќање го отвори заменик директорот на ЦБИ, Јане Јанчески, кој даде една ретроспектива на самите почетоци на функционирање на организацијата, предизвиците со кои се соочи организацијата, начинот на функционирање и организационата поставеност на ЦБИ.

(more…)

ЦБИ учествуваше на конференцијата „Black Sea and Balkan Perspectives – A strategic region“ во РимЦБИ учествуваше на конференцијата „Black Sea and Balkan Perspectives – A strategic region“ во Рим



Центарот за безбедносни истражувања со свој претставник учествуваше на конференцијата „Black Sea and Balkan Perspectives – A strategic region“ во Рим, организирана од нашите партнери NATO College Foundation. ЦБИ беше единствената (владина или невладина) организација од Република Македонија која доби покана да номинира свои претставници/панелисти на оваа престижна конференција.

Нашиот претставник, г-динот Раби Седрак, зборуваше на панелот кој беше посветен на безбедносните закани предизвикани од не-државни актери.