Center for Security Research Колумни Карактеристиките на современото политичко дејствување

Карактеристиките на современото политичко дејствување

Мартин Стојановски

Современото политичко дејствување како одговор на постојаните променливи и динамични политички процеси, мора постојано да се развива и да се прилагодува на новонастанатите состојби, но и да се позиционира прецизно во однос на предизвиците кои се пред него и во исто време конзистентно да ги застапува своите вредности и идеологија.

Доколку го анализираме самиот поим „политичко дејствување“, можеме да го разбереме на два начини, како екстензивен и интензивен процес. Екстензивното политичко дејствување вклучува дејствување на сите нивоа на политичко организирање и преземање одредени активности во различни средини. Па така, како екстензивен политички пристап се смета дејствувањето на ниво на месна заедница, на општинско ниво, на републичко ниво, на регионално и на меѓународно, па дури и во одредени неполитички организации каде би сакале да оствариме влијание, како на пример синдикати, здруженија на граѓани и слично. Екстензивното политичко дејствување се карактеризира со присуство во сите овие средини и во суштина е еден квантитативен политички пристап, за кој се потребни многу човечки ресурси, но и многу логистичка поддршка.

Од друга страна, стои интензивниот пристап кон политичко дејствување, кој за разлика од квантитативниот пристап на екстензивното политичко дејствување, се потпира на квалитативен пристап, кој треба да овозможи регрутација на најдобрите кадри во своите соодветни полиња, кои треба да креираат одредена стратегија и методологија за политичко дејствување, која подоцна ќе треба да послужи како патоказ кон ширење на идеологијата, вредностите, проектите и активностите на политичката организација.

Квалитативниот пристап во многу поголема мера се потпира на науката и технологијата за разлика од квантитативниот пристап чија главна карактеристика е присутноста секогаш и секаде. Во денешниот свет на технолошки развој и глобализација, но и се поголемиот степен на апатија, незаинтересираност и демотивираност кај луѓето да се ангажираат политички (особено младите), многу е тешко да мотивирате голем број на луѓе, кои ќе ги задоволат потребите на екстензивното политичко дејствување. Од друга страна, добро испланиран научен пристап, кој ќе се потпре на методите на анализа, дедукција, индукција, анализа на случај и слични, може многу добро да ги согледа состојбите и да предложи одредени решенија кои би се покажале како многу практични, економични и ефикасни за остварување на политичките цели.

Токму затоа, мислам дека политичкото дејствување треба да почне да се гледа како научна дисциплина за да може соодветно да се проучат сите релевантни прашања кои би биле од значење за негова ефикасно. За почеток, потребно е да се разработат научните и сознајни категории, поими, принципи и вредности од чиешто познавање и проучување ќе зависи успехот на конкретни сознанија кои се добиваат во однос на квалитетот во функционирањето на политичките организации во конкретни политички системи. Кога ќе се добијат овие почетни сознанија, дури тогаш може да се почне со подготовка на стратегија и методологија на дејствување.

Секоја современа политичка организација мора да направи напори да се прилагоди на современите услови и побарувања на водење политика и зголемување на своето влијание и доверба.

Clinical presentation. cialis in malaysia NAAT Ano-rectal swab If MSM, and patient declines anal examination or has no ano-rectal symptoms, instruct in Self-collection of samples for NAAT testing Vaginal swab: instruct the patient to insert the swab into the vagina like a tampon and then remove and place into the transport tube.

Related Post

Пораст на криминалното однесување кај децатаПораст на криминалното однесување кај децата

Тамара Митковска, Центар за безбедносни истражувања

Кога пред себе имате сторител на кривично дело со старост од 14 до 18 години, пред себе воедно имате и примарна жртва. Жртва која системот, родителите им нанеле нешто лошо, а вие не сте реагирале на време.

Согласно категориите деца што подлежат на кривична одговорност, дете во судир со законот од 14 до 16 години е секое дете кое во времето на извршување на дејствието со закон предвидено како кривично дело за кое е утврдена казна затвор над три години наполнило 14, а не наполнило 16 години. Дете во судир со закон над 16 години е секое дете кое во времето на извршување на дејствието со закон предвидено како кривично дело за кое е утврдена казна затвор над три години наполнило 16 години, а не наполнило 18 години.

Во оваа група спаѓаат всушност двете старосни категории деца кои со поранешната терминологија беа означувани како „помлади малолетници“ и како „постари малолетници“. Суштината на кривичната одговорност останува иста, а само е прифатена нова терминологија, со една важна разлика во однос на кривична одговорност само за потешки кривични дела казниви со затвор над три години, бидејќи за полесните се применува начелото на целесообразност и истите се третираат како деца во ризик.

(more…)

Користење на отворени извори на податоциКористење на отворени извори на податоци

Јане Јанчески

Прибирањето податоци од јавни или отворени извори стана еден од методите кои се широко користени во денешната работа на новинарските агенции, детективските агенции, компаниите кои работат приватно разузнавање, но и органите на државната управа кои се занимаваат со безбедносно-разузнавачка работа. Овој метод на прибирање податоци е само еден дел од арсеналот на погоре споменатите ентитети, но слободно може да се каже дека е и еден од најекономичните и најмногу користени, и во кохезија со другите методи на прибирање податоци може да не однесе кон комплетирање на сликата за нашиот предмет на интерес.

(more…)

За стратегијата и политичкиот интелектЗа стратегијата и политичкиот интелект

Александар Нацев

Современото политичко дејствување мора да се прилагоди на начините на функционирање на современите општества и интерните динамики на тие општества, со цел да одговори на променливите предизвици кои се поставуваат пред секоја организирана политичка групација (политичка партија, политичко движење и сл.). Оваа теза веќе нашироко се апсолвира во најсилните светски држави и детално се разработува, за што сведочи и појавата на терминот политичко војување (political warfare). Самиот овој термин претставува продолжување на низата на класификација на различните видови на водење војна, која се води во различни домени (хибридно војување, асиметрично војување, специјално војување, сајбер војување, психолошко војување итн.) и има симболично значење кое укажува дека политиката е всушност едно широко бојно поле, на кое треба да се војува со противникот со сите достапни методи и со користење на сите тактики и техники, за да се постигне конечната цел. Па така, политичкото дејствување (војување) мора да биде методолошки осмислено, добро испланирано и дициплинирано извршено. Тоа значи дека политичката партија (која војува) мора да поседува ресурси и капацитети кои ќе ги спроведат плановите и тактиките, на начин кој е најмалку ризичен, најекономичен и реално остварлив.

(more…)