Директорот на Центарот за безбедносни истражувања, доц. д-р Александар Нацев одржа предавање на KYATA „Winter University for Security Studies“. Темата за предавањето беше поврзана со новите форми на информациско војување, и употребата на лажните вести и пропагандата при креирањето на стратешките наративи.
Претставници на Центарот за безбедносни истражувања земаа учество на настанот посветен на зголемување на улогата на невладините организации во интеграциските процеси на државите од Западниот Балкан, организиран од Академијата за европски интеграции и преговори.
Денес ја одржавме онлајн работилницата „Опасностите од пропагандата и дезинформациите во денешниот свет“. Настанот беше организиран во соработка со Шведската Алумни Мрежа за Западен Балкан (SANWB), а со поддршка од Шведскиот Институт (Swedish Institute).
Дел од настанот беа претставници од дипломатските мисии во Македонија, претставници од меѓународни организации, претставници од национални и регионални алумни организации на Шведскиот Институт, претставници од медиумите, академскиот сектор и невладиниот сектор.
Директорот на Центарот за безбедносни истражувања, д-р Александар Нацев учествуваше на почетниот настан за проектот „Со критичко мислење до граѓани со медиумска умешност – Критинк“.