Работилница за превенција од насилен екстремизам

Од 3 до 10 Јули, раководителот на нашиот Сектор за полициски истражувања м-р Оливер Ристески, учествуваше на Варшавската евроатланска летна академија 2020, програма која се одржува со поддршка на Европската комисија, Фондацијата Liderzy Przemian, Колеџот на Европа во Натолин, Германскиот маршал фонд од САД и Fulbright Poland. Беа опфатени следните теми:

– Дигитален трансатлански спор-се однесува на законската регулатива разлика ЕУ и САД
– Уредување на социјални медиуми, големи технологии & алгоритми за радикализација
– Геолокација и отворени извори за истраги
– Истражувачко новинарство
– Дезинформации
– Безбедност при избори
– Дигитална безбедност
– Социјални медиуми

Денес се одржа првата сесија од новиот заеднички безбедносен програм помеѓу Центарот за безбедносни истражувања и Институтот за стратешки и одбранбени студии од Унгарија. На настанот се дискутираше за процесот на радикализација во Западниот Балкан и се постави патоказот кон креирање на нова и соодветна програма за дерадикализација, која ќе биде специфично дизајнирана за да се справи со прашањето на борците повратници од Ирак и Сирија во земјите од Западниот Балкан, со што ќе се даде придонес кон европската и меѓународната безбедност.

Центарот за безбедносни истражувања учествуваше со свој тим на симулациската вежба за сајбер безбедност, во организација на групацијата MeOut. Вежбата се одржа во периодот од 11ти до 14ти ноември во Будимпешта, и вклучуваше тимови од сите држави од Западен Балкан и од В4 групата на држави. Тимот, кој беше предводен од директорот на ЦБИ, д-р Александар Нацев, одлично се претстави на вежбата, а потврдени беа и заложбите за понатамошна соработка на меѓународно ниво со присутните партнерски организации.