Претставникот на ЦБИ, г-дин Раби Седрак, на покана на Институтот за европски студии во Белград, одржа предавање на тема „Импликациите на кризата во Авганистан за европската безбедност – талибанците наспроти ИСИС“. Настанот беше организиран од страна на реномираните професори д-р Миша Ѓурковиќ и д-р Стеван Гајиќ.
Делегација на #ЦБИ, составена од директорот д-р Александар Нацев и заменик директорот Јане Јанчески учествува на Безбедносниот форум во Варшава, кој се одржува денес и утре во полската престолнина. На форумот учествуваат голем број на државни делегации и претставници на меѓународни организации, и овој форум претставува еден од најголемите безбедносни настани во Европа.
Денес Тамара Митковска, која е дел од тимот на Центарот за безбедносни истражувања, присуствуваше на „НАТО Академијата 2020“, како учесник во оваа Академија. Предавањето беше одржано од страна на полковник Зоран Јанковиќ, шеф на Канцеларијата за врски на НАТО во Скопје, кој зборуваше на теми поврзани со структурата на НАТО, политиките, операциите и донесувањето одлуки во рамки на НАТО, а се осврна и на членството на Македонија во НАТО. Инаку на оваа НАТО Академија учествуваат 45 студенти и млади професионалци од земјата и странство!
Директорот на Центарот за безбедносни истражувања, доц. д-р Александар Нацев гостуваше во емисијата „Што не е јасно?“ на ТВ Алфа, во која ги изнесе своите ставови по однос на моменталната безбедносна состојба во државата во контекст на најновите случувања со ветото од Република Бугарија, даде своја анализа на случувањата во доменот на одбраната, а изнесе и своја анализа во однос на терористичките активности во Европа, како и на процесите на дерадикализација и ресоцијализација на борците повратници од Блискиот Исток и Сирија.
Целото гостување можете да го погледнете на следниов линк: