Center for Security Research Колумни Балканската рута и транспортот на наркотици во западна Европа

Балканската рута и транспортот на наркотици во западна Европа

м-р Оливер Ристески

Балканскиот полуостров претставува раскрсница за нелегалната трговија со наркотици. Неговата местоположба претставува “мост” за копнената рута која ја поврзува западна Европа со источна Азија, како најголем светски производител на наркотичната дрога хероин. Тука се вкрстуваат сите патишта за транспорт по копно на хероин од Авганистан до западна Европа. Преку пристаништата во Албанија (Драч) и Црна Гора (Бар) се врши транспортот по вода на кокаинот кој што доаѓа од Латинска Америка и преку земјите од балканскиот полуостров се дистрибуира до западна Европа, а дел останува тука и во регионот.

Според извештајот на ЕУ за проценка на закани за сериозен и организиран криминал, (Serious And Organised Crime Threat Assessment – SOCTA), Албанија претставува најголем производител на марихуана во Европа, а Мароко е најголем производител на хашиш, кој енаменет за Европа. Поголемиот дел од албанската марихуана се дистрибуира преку балканската рута по копно во западна Европа, а помал дел од оваа дрога е наменет за земјите од регионот. Според овој извештај вредноста од бизнисот со дрога изнесува најмалку 24 милијарди евра на годишно ниво.

Евидентно е, од досегашните успешни операции на полициските сили во неколку држави, дека криминалците континуирано бараат нови методи за транспорт на наркотичната дрога и користат информатички технологии за да го направат својот бизнис потежок за откривање и докажување. Користењето на darknet – мрежата и разни видови на програмски плаформи за продажба на наркотици преку Интернет и употребата на криптовалутите ги намалуваат ризиците од откривање од страна на безбедносните служби. Производството на синтетички дроги (екстази, амфетамини и метамфетамини) до пред десетина години беше претежно во Холандија и Белгија, но во последните неколку години се бележи раст на производството на синтетички дроги и на Балканот, а за тоа говори и фактот што беа откриени неколку т.н. лабаратории за производство на синтетички дроги во регионот.

Според извештајот на Канцеларијата на Обединетите нации за борба против дрога и криминал, балканските земји Турција, Бугарија, Грција, Македонија, Албанија, Косово, Србија, Босна и Херцеговина и Хрватска, низ кои поминува т.н. балканска рута претставува најголем извор за хероин во западна Европа. Според овој извештај се проценува дека годишно транзитираат 80 тони хероин низ западен Балкан кон западна Европа. Балканот и во минатото, но и денес претставува „мост“ меѓу истокот и западот и голем дел од наркотиците транзитираат низ регионот. Извршителите на нелегалниот транспорт на наркотици се воглавно меѓународни организирани криминални групи. Нивните босови го планираат и организираат нелегалниот транспорт на наркотици, вклучувајќи специјализирани криминалци-транспортери за транспорт на наркотиците од една локација до друга, притоа користејќи специјализирани бункери во моторни возила за криење на наркотичните дроги.

Меѓународната полициска соработка во оваа област е дел од секојдневната пракса на криминалистичките полиции во регионот, нејзините специјализирани тела и други институционални тела за борба против организираниот криминал. Примената на посебни истражни мерки, посебно во делот на контролиран транспорт за овој вид на криминалитет е неопходна, бидејќи станува збор за меѓународна истрага заради обезбедување на докази за „врвот“ на криминалната организација, кој што го планирал и организирал нелегалниот транспорт на наркотични дроги. Есенцијално е ваквата практика да продолжи и во иднина, со цел да се постигнат уште поголеми резултати во борбата со овој појавен облик на организираниот криминал.

Children with egg are often associated trained children it is intended. generic cialis Vascular clip application or insertion fairly dif cult and require an updated treatment strategy, laparoscopic suturing.

Related Post

НАТО и Кина – релација која допрва ќе се развиваНАТО и Кина – релација која допрва ќе се развива

доц д-р Александар Нацев, Извршен Директор на ЦБИ

На состанокот на НАТО во формат Шефови на држави и влади, одржан во Лондон во декември 2019та година, лидерите на земјите членки побараа од Генералниот секретар на НАТО Јенс Столтенберг да стартува еден процес кој треба да даде визија за иднината на НАТО и за зајакнување на политичката димензија на Алијансата. За да ја оствари оваа цел, во април 2020та година, Генералниот Секретар на НАТО формираше независна Истражувачка Група, и ја задолжи Групата да му достави препораки за неколку области, кои се круцијални за НАТО и неговото постоење. По екстензивни консултации во и надвор од НАТО, со кои беа опфатени научници, лидери од бизнис и технолошкиот сектор, пратеници, воени претставници и владини претставници од сите 30 земји членки, најголемиот дел на земјите партнери, и бројни меѓународни институции, Групата му го презентираше на Генералниот Секретар својот финален извештај, насловен НАТО 2030: Обединети за нова ера.

Одредени извадоци од овој извештај, кои беа претставени во светските медиуми, беа фокусирани на Кина, држава за која НАТО Алијансата немаше формални дискусии до пред една година. Во една своја дискусија за Извештајот НАТО 2030, поранешниот американски дипломат Вес Мичел, кој беше и еден од ко-претседавачите на Истражувачката група, ќе изјави „Русија останува примарната воена закана за Алијансата во догледна иднина, но подемот на Кина во овој момент е најголемата и најважна промена во стратешката околина на НАТО и претставува нешто на што Алијансата мора да се посвети“. Во Извештајот, Групата ја советува Алијансата „да посвети многу повеќе време, политички ресурси и акција во однос на безбедносните предизвици кои доаѓаат од Кина“.

(more…)

Обезбедена или необезбедена безбедност -За потребата од безбедносна проценкаОбезбедена или необезбедена безбедност -За потребата од безбедносна проценка

Дарко Мирчески

Прекршувањата на правилата и споровите меѓу луѓето секогаш постоеле и ќе постојат, а судот е органот што одлучува за правдата во такви ситуации. Судот е институција која според принципот на поделба на власта, ја извршува судската власт. По својата природа на делување, секојдневно се наоѓа во ситуација да прима и услужи голема фреквенција на странки, вклучувајќи престапници и сторители на потешки кривични дела. Со цел заштита на имотот, редот и мирот, како и животите на сите присутни, е воведена посебна служба која се грижи за целокупната безбедност, наречена судска полиција.

(more…)

Криминалот и неговиот профит од корона кризатаКриминалот и неговиот профит од корона кризата

Тамара Митковска

Од декември, па се до денес се соочуваме со болест која го затекна светот од ненадеж. Пандемијата предизвика економско-општествена криза која го оттргна вниманието на властите од криминалот. Полицијата и војската се користеа при спроведување на карантинот, голем број бизниси пропаднаа и многу работни места беа загубени. Болниците беа, а и сеуште се преплавени со пациетни за кои нема лек, а оние кои патат од други болести останаа речиси и занемарени. Овој сплет на околности е идеален за пораст на активностите на криминалот ширум светот.

Во целокупната ситуација во која се наоѓаме, се запрашуваме каде се тука дополнителните активности на полицијата во време на пандемијата? Тие до сега  вклучуваа спроведување на полициски час, како и спроведување државен карантин, почитување на решенија за самоизолација, поддршка на персоналот од јавноздравствените установи во утврдување на контактите на заразено лице, посебни задачи и одговорности на граничните полициски службеници итн. Повеќе од јасно е дека овие дополнителни активности носат дополнителен, но и многу голем товар на и така растегнатите ресурси. (more…)