Category: Некатегоризирани

Во текот на последната деценија светот се соочи со нов облик на тероризам чијашто идеологија произлезе од воените дејствија во Ирак и Сирија, првенствено во организација или со поддршка на терористичката организација ИСИС. Во налетот на тероризмот настрадаа дури и најсилните и најбезбедните европски центри. Имено, голем број европски метрополи беа мета на терористите, при што се истакнува дека во периодот 2014 – 2017 година во земји членки на ЕУ биле изведени дури 56 терористички напади во кои животот го загубиле 381 лице. Карактеристично за нападите е тоа што тие биле насочени кон таканаречени „меки цели“, односно без предупредување биле напаѓани невооружени цивили на фреквентни локации. Генерално, сите акти на тероризам во Европа биле организирани  или произлегле од актерите и поддржувачите на „Исламска Држава“, односно лица повратници од Сирија и Ирак или лица кои биле во непосреден контакт со нив.

Превенцијата како поим, но и како предмет на истражување и интерес на експертската фела во повеќе научни области и дисциплини, игра важна улога во борбата против секој вид на криминалитет, со посебен осврт на кримналитетот поврзан со злоупотреба на дрога.

Целта што сакам да ја постигнам, всушност е да укажам дека за ефикасна превенција на криминалитетот поврзан со злоупотреба на дрога, неопходна е ефикасна превенцијата од злоупотребата на дрога. Тоа значи дека примарно значење има првата алка од синџирот на превенцијата, односно консуматорите на дрога. Приоритетот е  намалување на штетите од употреба на дрога. Во таа насока неопходни се превентивни мерки за искоренување на навиката за земање на дрога и одвраќање од идејата за консумирање,подигнување на свеста за штетните последици, што бара многу упорност и трпеливост. Истрајноста е клучниот елемент кој треба да го поседува оној кој што ќе се обиде да го одврати корисникот од земање на дрога во иднина.