Претставници на Центарот за безбедносни истражувања земаа учество на настанот посветен на зголемување на улогата на невладините организации во интеграциските процеси на државите од Западниот Балкан, организиран од Академијата за европски интеграции и преговори.
Претставници на Центарот за безбедносни истражувања учествуваа на работилницата “Како да се избегнат замките на пропагандата?”, во организација на Estima. Работилницата обработи теми кои се однесуваа на употребата на дезинформациите и лажните вести, и како тие може да се употребат во геополитички и безбедносни цели, но и нивното влијание од новинарска перспектива.
Директорот на Центарот за безбедносни истражувања, доц. д-р Александар Нацев, учествуваше на Јавната расправа по предлог законите за следење на комуникации и за Оперативно-техничката агенција, организирана од Комисијата за одбрана и безбедност при Собранието на Република Македонија. Во своето излагање тој се задржа на предложените решенија за користењето на метаподатоците и предолгиот рок за задржување на податоците од страна на телекомуникациските оператори. Тој исто така истакна дека е потребно да се направат уште интервенции во предлог законите, со цел законските решенија да не навлегуваат во приватноста и човековите права на граѓаните.
Делегација на #ЦБИ, составена од директорот д-р Александар Нацев и заменик директорот Јане Јанчески учествува на Безбедносниот форум во Варшава, кој се одржува денес и утре во полската престолнина. На форумот учествуваат голем број на државни делегации и претставници на меѓународни организации, и овој форум претставува еден од најголемите безбедносни настани во Европа.
