Center for Security Research Настани Центарот за безбедносни истражувања одбележа 4 години постоење

Центарот за безбедносни истражувања одбележа 4 години постоење

На 2ри Септември, со свечена прослава во Скопје свечено беше одбележана четвртата годишнина од формирањето на Центарот за безбедносни истражувања (ЦБИ). Во присуство на членовите на ЦБИ, голем број на гости, партнерски организации, лица од бизнис секторот и од јавниот живот, раководството на ЦБИ ги презентираше резултатите од досегашната работа, како и плановите за идниот раст и развој на организацијата.

Настанот со свое обраќање го отвори заменик директорот на ЦБИ, Јане Јанчески, кој даде една ретроспектива на самите почетоци на функционирање на организацијата, предизвиците со кои се соочи организацијата, начинот на функционирање и организационата поставеност на ЦБИ.

Вториот говорник, Мартин Стојановски, Советник за надворешни односи и соработка во ЦБИ, се осврна на остварената меѓународна соработка во последните години, партнерствата со институции од земјата и од странство, и на одржаните семинари, работилници и конференции во организација на ЦБИ.

Настанот со свое обраќање го затвори Директорот на ЦБИ, доц, д-р Александар Нацев, кој направи краток рекапитулар на функционирањето на ЦБИ во изминатите 4 години, и ги претстави идните планови на организацијата и насоката во која ќе се движи Центарот.

Related Post

Конференција “НАТО после 70 години” во БерлинКонференција “НАТО после 70 години” во Берлин

Директорот на ЦБИ, доц. д-р Александар Нацев учествуваше на конференцијата “НАТО после 70 години”. Корисни дискусии и обраќање на германската министерка за одбрана Анегрет Крамп-Каренбауер.

Најава за онлајн дебата за сајбер безбедност во организација на ЦБИНајава за онлајн дебата за сајбер безбедност во организација на ЦБИ

Бројот на компјутерски измами извршени во светот значително се зголеми за време на пандемијата на коронавирусот, а за да ги постигнат своите намери, сторителите почнаа да користат нови алатки. Придружете ни се на онлајн дебатата која ја организира Центар за безбедносни истражувања, а која се однесува токму на влијанието на #COVID19 за зголемување на нападите во сајбер просторот.


Деталите за логирање на ZOOM настанот ќе бидат достапни наскоро.

ЦБИ ќе организира работилница насловена „Практики и искуства во реинтеграцијата на странски борци“ЦБИ ќе организира работилница насловена „Практики и искуства во реинтеграцијата на странски борци“

Центарот за безбедносни истражувања организира работилница насловена „Практики и искуства во реинтеграцијата на странски борци“, која ќе се одржи во комбиниран (онлајн/со физичко присуство) формат. Работилницата ќе се осврне на искуствата на државите од Југоисточна Европа и нивните решенија за справување со борците повратници од боиштата од Ирак и Сирија, кои заминаа од своите матични држави за да се придружат на терористичката организација ИСИС. Голем дел од тие лица денес веќе се вратени во своите држави и потребно е да се направи една анализа и истражување дали тие лица претставуваат безбедносен ризик.

Говорници на настанот ќе бидат директорот на ЦБИ, д-р Алексанадар Нацев и специјалниот советник за противтероризам во ЦБИ, г-дин Раби Седрак. Настанот ќе биде модериран од г-ца Драгана Каловска, и ќе започне од 18,00 часот, на 23.02.2021 година (вторник). Линкот за следење на настанот е следниов:

Линкот за пристапување кон настанот е: 

https://us02web.zoom.us/j/84224291890

Meeting ID: 842 2429 1890