Center for Security Research Настани ЦБИ ја одржа работилницата „Практики и искуства во реинтеграцијата на странски борци”

ЦБИ ја одржа работилницата „Практики и искуства во реинтеграцијата на странски борци”

Центарот за безбедносни истражувања вчера ја организираше работилницата насловена „Практики и искуства во реинтеграцијата на странски борци“, која се одржа во комбиниран (онлајн/со физичко присуство) формат. Работилницата се осврна на искуствата на државите од Југоисточна Европа и нивните решенија за справување со борците повратници од боиштата од Ирак и Сирија, кои заминаа од своите матични држави за да се придружат на терористичката организација ИСИС. Голем дел од тие лица денес веќе се вратени во своите држави и потребно е да се направи една анализа и истражување дали тие лица претставуваат безбедносен ризик.

По отворањето на работилницата од страна на модераторката г-ца Драгана Каловска и нејзините воведни зборови и кратко претставување на темата и говорниците, започна работниот дел на настанот. Првиот говорник, директорот на ЦБИ, д-р Алексанадар Нацев зборуваше за искуството на Република Македонија со повратниците од боиштата во Сирија и се осврна на неколку случаи каде беа уапсени токму повратници за планирање на терористички акти.

По излагањето на директорот, следен говорник беше специјалниот советник за противтероризам во ЦБИ, г-дин Раби Седрак. Тој имаше одличен осврт на безбедносниот и социјален предизвик кој го претставуваат децата повратници од боиштата и зборуваше како да се спречи тие деца да станат безбедносен ризик еден ден. Тој наведе неколку примери како овој проблем се третира во други држави, а даде и кратка анализа за случувањата на Блискиот Исток.

Настанот обедини голем број учесници кои земаа активно учество во дискусијата, а значително беше присуството на претставници на дипломатските мисии во РМ, меѓународните институции, други невладини организации, но и учеството на претставници од European Peacebuilding Liaison Office (EPLO), Institut za sigurnosne politike од Хрватска, EU Radicalization Awareness Network (RAN) и други, со што настанот доби и меѓународна димензија.

Подолу можете да го најдете и линкот за следење на снимката од настанот:

Related Post

Заеднички настан на ЦБИ и Институтот за стратешки и одбранбени студии од УнгаријаЗаеднички настан на ЦБИ и Институтот за стратешки и одбранбени студии од Унгарија

Денес се одржа првата сесија од новиот заеднички безбедносен програм помеѓу Центарот за безбедносни истражувања и Институтот за стратешки и одбранбени студии од Унгарија. На настанот се дискутираше за процесот на радикализација во Западниот Балкан и се постави патоказот кон креирање на нова и соодветна програма за дерадикализација, која ќе биде специфично дизајнирана за да се справи со прашањето на борците повратници од Ирак и Сирија во земјите од Западниот Балкан, со што ќе се даде придонес кон европската и меѓународната безбедност.

Соработка со Националната Конвенција за ЕУ во РМСоработка со Националната Конвенција за ЕУ во РМ

Директорот на ЦБИ, доц. д-р Александар Нацев учествуваше со свое обраќање на настанот “Чекајќи го ФРОНТЕКС”, во организација на Националната Конвенција за ЕУ во Република Македонија, каде имав и свое обраќање.

ЦБИ ја организираше работилницата „Опасностите од пропагандата и дезинформациите во денешниот свет“ЦБИ ја организираше работилницата „Опасностите од пропагандата и дезинформациите во денешниот свет“

Денес ја одржавме онлајн работилницата „Опасностите од пропагандата и дезинформациите во денешниот свет“. Настанот беше организиран во соработка со Шведската Алумни Мрежа за Западен Балкан (SANWB), а со поддршка од Шведскиот Институт (Swedish Institute).

Дел од настанот беа претставници од дипломатските мисии во Македонија, претставници од меѓународни организации, претставници од национални и регионални алумни организации на Шведскиот Институт, претставници од медиумите, академскиот сектор и невладиниот сектор.