Центарот за безбедносни истражувања ја започна соработката со еден од своите меѓународни партнери, водечкиот израелски институт за безбедносни истражувања „Бегин-Садат центар за стратешки студии” кој е во состав на Универзитетот Бар Илан од Израел. На денешниот онлајн состанок ги поставивме основите за понатамошна заедничка работа и ги дефиниравме областите од заеднички истражувачки интерес за двете организации.
Претставникот на ЦБИ, г-дин Раби Седрак, на покана на Институтот за европски студии во Белград, одржа предавање на тема „Импликациите на кризата во Авганистан за европската безбедност – талибанците наспроти ИСИС“. Настанот беше организиран од страна на реномираните професори д-р Миша Ѓурковиќ и д-р Стеван Гајиќ.
Директорот на Центарот за безбедносни истражувања, доц д-р Александар Нацев, гостуваше во емисијата „Што не е јасно?“ на АЛФА ТВ. Тема на гостувањето беа последните безбедносни скандали, реформите во безбедносно-разузнавачката заедница и состојбите во Армијата на Република Македонија. Директорот Нацев потенцираше дека потребно е дополнително да се работи на зајакнување и модернизирање на ситемот за кризен менаџмент, и да се градат сопствени капацитети во доменот на одбраната, со цел да бидеме рамноправен партнер со останатите сојузници во НАТО.
Целото гостување можете да го погледнете на следниот линк:
Центарот за безбедносни истражувања организираше настан на тема “Дискусија за европските безбедносни предизвици и закани“.
На настанот свои излагања имаа Извршниот Директор на ЦБИ, доц. д-р Александар Нацев, кој се осврна на асиметричните методи на влијание во изборниот процес и г-дин Раби В. Седрак, специјален советник за антитероризам во ЦБИ, кој зборуваше за терористичките закани, стратегии и тактики преку анализа на научени лекции од Блискиот Исток.
На настанот присуствува голем број на претставници на странски мисии и меѓународни организации, колеги истражувачи од сродни организации од Блискиот Исток и домашни безбедносни експерти и практичари.
(more…)