Center for Security Research Колумни Изборни стратегии и изборен менаџмент

Изборни стратегии и изборен менаџмент

Мартин Стојановски

Изборите се процес преку кој народот (односно гласачите) им го доверуваат извршувањето на политичка власт на политичарите и ги овластуваат политичарите да управуваат со државата во нивно име. Токму затоа, слободно може да се каже дека изборите се извор и темел на легитимитетот на целокупниот систем на државна власт. Заради тоа, политичките партии или независните кандидати кои се учесници во еден процес, мораат одлично да го познаваат овој процес, да имаат развиено уникатни методологии и стратегии, и да имаат детално разработени планови и сценарија како да ја остварат својата зацртана цел, а тоа е да убедат колку што може повеќе гласачи дека програмата која ја нудат е вистинската и дека е во нивен интерес да им го дадат својот глас токму на нив. Или накратко кажано, да имаат соодветна изборна стратегија и да имаат добар изборен менаџмент во својата изборна кампања.

Современите изборни кампањи се многу комплексни друштвени и комуникациски процеси, кои методолошки се одвиваат на релација помеѓу три клучни актери кои се основните столбови на изборните кампањи и политичката комуникација: политичките кандидати, јавноста (гласачите) и медиумите. Разбирањето на соодносот и пронаоѓањето на балансот помеѓу овие три актери треба да биде главната задача при изработката на изборната стратегија и изборот на соодветната методологија. Денешните политички кандидати се соочуваат со многу голем број предизвици кои мораат да ги совладаат, доколку сакаат да добијат кредибилитет пред јавноста и пред медиумите, како на пример: одлично владеење на политичкиот дискурс, да поседуваат вештини за користење на комуникациски алатки, мораат физички да се добро подготвени, постојано да се концентрирани и уште низа други работи. Од друга страна, гласачите стануваат сè поискусни и поинформирани, и за старите концепти на кажување на она што сакаат да го слушнат или обидите за блефирање на гласачите веќе нема место со современото политичко дејствување. Третиот важен актер во изборниот циклус, медиумите, се исто така огромен залак за секој политички кандидат, бидејќи нивната бројка постојано расте, нивното влијание се зголемува и се многу важни како креатори и обликувачи на јавното мислење. Пронаоѓањето на вистинската комуникациска стратегија е есенцијален елемент во изготвувањето на изборната стратегија, затоа што медиумите се филтерот низ кој се интерпретираат, анализираат и проверуваат зборовите на политичките кандидати.

Помина времето кога на политичарите им беше доволно само да одат и да се насмевнуваат опкружени со цела армија советници, кои се задолжени нивниот „шеф“ да изгледа паметно. Денешните современи политичари, барем оние кои сакаат да остават значаен белег во општеството и да бидат запаметени по одлични резултати, мора да бидат одлично технолошки едуцирани, да ги познаваат современите комуникациски стратегии, да имаат познавање од голем број области и да го познаваат својот електорат. Ако ги немаат овие карактеристики, јавноста лесно ќе препознае дека овие лица се само форма без суштина, и нивната политичка кариера ќе трае многу кратко. А ниту граѓаните, ниту државата не заслужуваат некомпетентни кадри да управуваат со нив, туку напротив, оние коишто ја управуваат државата треба да бидат најдобрите, најодговорните и најсмелите.

Related Post

За стратегијата и политичкиот интелектЗа стратегијата и политичкиот интелект

Александар Нацев

Современото политичко дејствување мора да се прилагоди на начините на функционирање на современите општества и интерните динамики на тие општества, со цел да одговори на променливите предизвици кои се поставуваат пред секоја организирана политичка групација (политичка партија, политичко движење и сл.). Оваа теза веќе нашироко се апсолвира во најсилните светски држави и детално се разработува, за што сведочи и појавата на терминот политичко војување (political warfare). Самиот овој термин претставува продолжување на низата на класификација на различните видови на водење војна, која се води во различни домени (хибридно војување, асиметрично војување, специјално војување, сајбер војување, психолошко војување итн.) и има симболично значење кое укажува дека политиката е всушност едно широко бојно поле, на кое треба да се војува со противникот со сите достапни методи и со користење на сите тактики и техники, за да се постигне конечната цел. Па така, политичкото дејствување (војување) мора да биде методолошки осмислено, добро испланирано и дициплинирано извршено. Тоа значи дека политичката партија (која војува) мора да поседува ресурси и капацитети кои ќе ги спроведат плановите и тактиките, на начин кој е најмалку ризичен, најекономичен и реално остварлив.

(more…)

Карактеристиките на современото политичко дејствувањеКарактеристиките на современото политичко дејствување

Мартин Стојановски

Современото политичко дејствување како одговор на постојаните променливи и динамични политички процеси, мора постојано да се развива и да се прилагодува на новонастанатите состојби, но и да се позиционира прецизно во однос на предизвиците кои се пред него и во исто време конзистентно да ги застапува своите вредности и идеологија.

Доколку го анализираме самиот поим „политичко дејствување“, можеме да го разбереме на два начини, како екстензивен и интензивен процес. Екстензивното политичко дејствување вклучува дејствување на сите нивоа на политичко организирање и преземање одредени активности во различни средини. Па така, како екстензивен политички пристап се смета дејствувањето на ниво на месна заедница, на општинско ниво, на републичко ниво, на регионално и на меѓународно, па дури и во одредени неполитички организации каде би сакале да оствариме влијание, како на пример синдикати, здруженија на граѓани и слично. Екстензивното политичко дејствување се карактеризира со присуство во сите овие средини и во суштина е еден квантитативен политички пристап, за кој се потребни многу човечки ресурси, но и многу логистичка поддршка.

(more…)

Влијанието на Интернетот врз младите во процесот на градење на безбедносна култура – закани и ризициВлијанието на Интернетот врз младите во процесот на градење на безбедносна култура – закани и ризици

Дарко Мирчески

Современата безбедност е комплексно прашање. Современиот безбедносен концепт мора да биде флексибилен и насочен кон дефинирањето на ризиците и заканите врз безбедноста не само на целото оштество, туку и врз самата единка (индивидуална безбедност). Безбедносната култура на овие индивидуи има за цел пред сè зачувување на вредностите во едно општество, притоа оправдувајќи ја својата превентивна улога.

Меѓу основните столбови на кое се потпира секое општество се јавуваат младите, гледајќи на нив како на “материјал” кој што треба да го одржува тоа општество и во иднина да го води низ современите предизвици. Да напоменеме дека во Република Македонија, под поимот млади подразбираме лица од 15 до 29 годишна возраст. Меѓутоа не може, а да не се спомене врската на младите со интернетот. (more…)