Директорот на ЦБИ, д-р Александар Нацев гостуваше во утринската емисија „Еспресо со Златев и Боцевски“ на радио „Лидер“, во која зборуваше за најновите политички слуувања на домашната и меѓународната политичка сцена, безбедносната состојба во Македонија и во странство, и за можниот развој на геополитичките последици од некои од глобалните конфликти.
Директорот на Центарот за безбедносни истражувања, доц. д-р Александар Нацев, учествуваше на Јавната расправа по предлог законите за следење на комуникации и за Оперативно-техничката агенција, организирана од Комисијата за одбрана и безбедност при Собранието на Република Македонија. Во своето излагање тој се задржа на предложените решенија за користењето на метаподатоците и предолгиот рок за задржување на податоците од страна на телекомуникациските оператори. Тој исто така истакна дека е потребно да се направат уште интервенции во предлог законите, со цел законските решенија да не навлегуваат во приватноста и човековите права на граѓаните.
Денес во организација на #ЦБИ и Македонската Спортска Стрелачка Федерација, се одржа семинарот P-SEC2, во кој беше опфатена обука на учесниците во делот на ракување и стрелање со пиштол и со полуавтоматска пушка. Обуката беше динамична, одлично конципирана и сите учесници ќе добијат сертификати за успешно завршен семинар.
Директорот на Центарот за безбедносни истражувања, доц д-р Александар Нацев, гостуваше во емисијата „Што не е јасно?“ на АЛФА ТВ. Тема на гостувањето беа последните безбедносни скандали, реформите во безбедносно-разузнавачката заедница и состојбите во Армијата на Република Македонија. Директорот Нацев потенцираше дека потребно е дополнително да се работи на зајакнување и модернизирање на ситемот за кризен менаџмент, и да се градат сопствени капацитети во доменот на одбраната, со цел да бидеме рамноправен партнер со останатите сојузници во НАТО.
Целото гостување можете да го погледнете на следниот линк: